NEXOren pribatutasun-politika

Azken berrikuspena: 2026ko azaroaren 4a.

NEXO aplikazio independente bat da, Euskal Herriko Unibertsitateko (UPV/EHU) ikasleentzat. Ez da unibertsitatearen aplikazio ofiziala, eta ez du hark egin ez babesten.

Politika honek zer datu dauden, non dauden eta nola ezabatzen diren esaten du. Kodeari begira idatzita dago, ez asmoari: hemengo baieztapen bakoitzari biltegian egiazta daitekeen zerbait dagokio.

NEXO lehen aldiz irekitzean, politika hau eta erabilera-baldintzak erakusten zaizkizu, eta ez zaizu ezer eskatzen —ez erabiltzailea, ez pasahitza— onartu arte. Onarpen horretatik gordetzen den gauza bakarra bi dokumentu hauen bertsio-zenbaki bat da: ez data, ez zure IPa, ez zurea den ezer.

Nork erantzuten duen honetaz

NEXO Iker Fortes UPV/EHUko ikasleak egiten eta mantentzen du, eta harremanetarako helbidea allin.app.team@gmail.com da. Ez dago enpresarik atzean, eta ez dago ezer jasotzeko lekurik: politika honek deskribatzen duen tratamendua zure gailuan bertan gertatzen da osorik, eta zure kontrolpean.

Unibertsitateak zutaz dituen datuen —zure espedientea, zure matrikula, zure notak— arduraduna UPV/EHU da. Politika honek zure mugikorrean bizi den kopiaz bakarrik hitz egiten du.

Laburra

NEXOk ez du zerbitzaririk. Ez dago NEXOren konturik, ez dago ezer bidaltzeko backendik, eta ez dago zu ez zaren beste inork zure datuak ikus ditzakeen lekurik. Dena zure mugikorrean bizi da.

Gailutik ateratzen den gauza bakarra zuk zeuk nabigatzaile batekin egingo zenituzkeen eskaerak dira: egela.ehu.eus, gestion-alumnos.ehu.es, gestion-servicios.ehu.es, loginsso.ehu.eus eta ehu.webuntis.com helbideetara. NEXOk lehen lau horiek appen barruan irekitzen ditu eta erakusten dutena irakurtzen du. Azkena ez du irekitzen: ordutegia baino ez dio eskatzen.

Bost horietako azkena ez da unibertsitatearena. webuntis.com Untis GmbH enpresa austriarrarena da, eta unibertsitateak han argitaratzen ditu bere ordutegiak. NEXOk talde baten ordutegia eskatzen dio —zuk idazten duzun kodea, adibidez G11ADX101-151— eta besterik ez: konturik gabe, pasahitzik gabe eta nor zaren esan gabe. ehu.webuntis.com helbidean zuk zeuk ikusiko zenukeen orri bera da.

Bi ñabardura, hemen eta ez beherago ezkutatuta:

• NEXOk atariak berriro marrazten dituen geruza bere zerbitzari batetik ekar dezake, unibertsitateak abisatu gabe aldatu duen orri bat konpontzeko dendaren eguneraketa bat itxaron gabe. Eskaera horrek fitxategi bat eskatzen du eta ez du zurea den ezer bidaltzen: ez konturik, ez cookierik, ez identifikatzailerik. Gaur itzalita dago, eta pizten den egunean ere ez du zurea den ezer eramango.
• Orri hauek, appen barruan beharrean weben irakurrita, Cloudflarek (Estatu Batuetako enpresa bat) zerbitzatzen ditu, eta hark eskaera apuntatzen du beste edozein zerbitzarik bezala: IP helbidea, ordua eta nabigatzailea. Ez daramate analitikarik ez cookierik. Appen barruan konexiorik gabe irakurtzen dira, eta han ez da inor enteratzen.

Zer gordetzen den, eta non

Unibertsitateko zure kredentzialak

Zure LDAP erabiltzailea eta pasahitza sistemaren gako-biltegian gordetzen dira — Keystore Androiden, Keychain iOSen. Ez daude appen datu-basean, ez daude hobespenetan, eta ez dira inolako erregistrotan agertzen.

Zertarako balio duen gordetzeak: unibertsitatearen inprimakia beteta ateratzeko, eta sartzea ukitu bat izateko pasahitza aldiro idaztea beharrean.

NEXOk haiekin egiten ez dituen hiru gauza:

• ez ditu bidaltzen unibertsitatearen sarbide-inprimakia ez den beste inora;
• ez ditu idazten loginsso.ehu.eus/login/ edo egela.ehu.eus/login/ ez den orri batean, jatorria zehatz-mehatz alderatuz eta ez atzizkiz;
• ez ditu zure ordez bidaltzen: inprimakia bete eta hor gelditzen da. «Sartu» sakatzea zurea da, ordutegia inportatzean izan ezik, non zuk eskatu eta berehala egiten baitu.

Zure datu akademikoak

Gailuko datu-base lokal batean, zifratuta:

• ordutegia, bere ikasgela, talde eta irakasleekin, unibertsitateak GAURen edo WebUntisen argitaratzen duen bezala;
• matrikulatutako irakasgaiak eta haien kredituak, eta eGelan agertzen diren irakasgaiak;
• espedienteko aktak eta notak, beren deialdiarekin eta ikasturtearekin;
• deialdi bakoitzeko notak, ikasturtez ikasturte, gainditu gabeak eta aurkeztu gabeak barne;
• eGelako entregak eta azterketa-datak, eta zuk idazten dituzun zeregin eta oharrak;
• karrerako kredituak eta GAURek argitaratzen duen batez bestekoa;
• zure ezarpenak: hizkuntza, azentu-kolorea, itxura, abisuak eta gorde duzun WebUntiseko taldearen kodea.

Handik ez da ezer ateratzen. Datu-base hori AES-256rekin dago zifratuta (SQLCipher), eta gakoa zure mugikorrean sortzen da appa lehen aldiz irekitzen duzunean; sistemaren gako-biltegian bizi da, zure pasahitzaren ondoan. Guk ez dakigu, ez da inora bidaltzen eta ez dago ezertatik ateratzerik: zure mugikorreko edukia aurrean duen ordenagailu batek ezin du zure espedientea irakurri gako hori handik atera gabe. Gakoak ez dizu mugikorra desblokeatzeko eskatzen, eta hori nahita da: entrega abisuek eta widgetek zure datuak begiratu behar dituzte pantaila itzalita dagoela ere.

Hasierako pantailako widgetek datu horien kopia murriztu bat irakurtzen dute —hurrengo klasea, entregen kontaketa, batez bestekoa eta hurbilen dagoen azterketa—, eta kopia hori gailuan bertan bizi da, sistemaren beste prozesu batek marraztu ahal izateko. Kopia hori ere zifratuta dago, sistemaren biltegiko bere gako propioarekin.

Zerrenda honek osoa izan nahi du, eta zerrenda bera baino gehiago axola du hala mantentzen duen arauak: NEXOk atarietatik zerbait berria irakurtzen hasten bada, hemen gehitzen da irakurtzen duen eguneraketa berean, ez geroago. Ez da borondate oneko promesa bat — biltegian test bat dago, zerrenda hau kodeak ekartzen dakizkien datu-klaseekin alderatzen duena, eta hemen izendatuta ez dagoen klase bat ez da zure mugikorrera iristen.

NEXOk biltzen ez duena

• ez publizitate-identifikatzailerik, ez iragarki-SDKrik, ez analitikarik;
• ez kokapenik;
• ez harremanetarako daturik, zuk idaztea erabakitzen duzun helbide elektronikoa izan ezik;
• ez nabigazio-historiarik goiko bost weben kanpo.

Web horien cookieak nabigatzaile batek jarriko lituzkeen lekuan bizi dira, eta saioa ixtean eta zure datuak ezabatzean ezabatzen dira. WebUntisek ez du saiorik eta NEXOk ez du web hori irekitzen, beraz han ez dago ezer ixteko.

Sistemaren erregistroak

Garapen-bertsio batean, NEXOk diagnostiko-lerroak idazten ditu gailuaren erregistroan: egoerak, kontaketak eta dagoen atariko orriaren bidea. Inoiz ez helbidearen saio-testigua daraman zatia, eta inoiz ez eremu baten edukia.

Argitaratutako bertsio batean, testua orriak idazten duen lerroak —eta ez appak— pribatu gisa markatzen dira, beraz sistemak ezkutatu egiten dizkio gailuaren erregistroa irakurtzen duen edonori.

Baimenak

Hatz-markarena eta aurpegiarena Google Playren fitxan agertzen da aktibatzen ez baduzu ere, elkarrizketa hori marrazten duen sistemaren liburutegiak deklaratzen duelako. NEXOk ez du zure hatz-marka ez zure aurpegia ikusten: hori ez da inoiz mugikorraren txipetik ateratzen, eta appak jasotzen duen bakarra bai bat edo ez bat da.

Horiek hirurak zuk erabakitzen dituzunak dira. Google Playren fitxan beste batzuk ere agertzen dira, eta horiek ez ditu NEXOk eskatzen: liburutegi batek deklaratzen ditu, bat bakarrak ere ez du elkarrizketarik irekitzen eta bat bakarrak ere ez dizu zurea den ezertarako sarbiderik ematen. WAKE_LOCK, RECEIVE_BOOT_COMPLETED eta FOREGROUND_SERVICE entrega bat noiz amaitzen den begiratzeko appa esnatzen duen Androideko piezarenak dira; HIGH_SAMPLING_RATE_SENSORS eta MODIFY_AUDIO_SETTINGS atariak irekitzeko erabiltzen den nabigatzaile-motorrarenak, eta hor daude edozein orrik soinua edo sentsoreak eska litzakeelako — unibertsitatearen batek ere ez du egiten. ACCESS_NETWORK_STATE konexiorik dagoen jakiteko balio dio appari, «sinkronizazioak huts egin du» esan beharrean «konexiorik gabe» esateko; ez du esaten zein saretara konektatuta zauden. USE_FINGERPRINT hatz-markarenaren izen zaharra da, eta liburutegi berak deklaratzen du Android 9 baino lehenagoko mugikorretarako. Eta kiacos.nexo.DYNAMIC_RECEIVER_NOT_EXPORTED_PERMISSION appak bere buruari deklaratzen dion baimena da: gako berarekin sinatutako zerbaitek baino ezin du erabili, hau da, NEXOk baino ez, eta mugikorreko beste programarik bere barneko piezekin hitz egin ez dezan dago.

NEXOk ez du kamerarik, mikrofonorik, kokapenik, kontakturik ez biltegiratzerik eskatzen. iOSen kamera eta mikrofonoa deklaratzen ditu unibertsitatearen orri batek entrega bat igotzean eskatuko balitu bakarrik; inoiz eskatzen ez baditu, inoiz ez dira eskatzen.

Zure datuak ezabatzea

Profila → Irten eta ezabatu → Nire datuak ezabatu atalean, Profilaren beheko bandan. Gailutik joaten dira, berehala:

• datu-base osoa;
• NEXOko kontua: zure izena eta aplikazioaren blokeoa;
• gako-biltegiko kredentzialak;
• atarien cookieak eta biltegiratze lokala;
• widgetek irakurtzen duten kopia;
• programatuta zeuden abisuak.

Amaitzean, aplikazioa hasierako pantailara itzultzen da, erregistrora. Ez dago beste ezer beste inon, beraz ez dago eskatzeko beste ezer. Saioa ixtea beste gauza bat da, eta txikiagoa: kredentzialak eta cookieak kentzen ditu, eta zure datu akademikoak gordetzen ditu.

Honek ez du unibertsitatea ukitzen. Zure espedientea, zure notak eta zure matrikula haienak dira, eta zeuden lekuan jarraitzen dute.

Adingabeak

NEXO unibertsitateko ikasleentzat pentsatuta dago. Ez da 14 urtetik beherakoentzat zuzendua —hori baita Espainiako legeak tratamendu bat norberak onartzen uzten duen adina— eta ez du jakinaren gainean adin horretako inoren daturik biltzen. Gainera, dendetan 18+ helburu-publikoarekin argitaratzen da.

Oinarri juridikoa eta zure eskubideak (DBEO)

Zerk legitimatzen duen hau. Zure baimenak, lehen pantailan ematen duzunak (6.1.a artikulua). Eman arte, appak ez dizu erabiltzailerik ez pasahitzik eskatzen, eta hura gabe ez da ezer gordetzen. Kentzeko modua «Nire datuak ezabatu» da, eta desinstalatzeak gauza bera egiten du indar handiagoz.

Zenbat denboraz gordetzen den. Dagoena, zuk ezabatu arte. Ez dago aplikatzeko epe bat, ez baitago kopiarik beste inon: gailutik joaten denean, joan da.

Zure eskubideak, eta non baliatzen diren benetan. Ia bat bakarrarentzat ere ez da inori idatzi behar, eta hori zerbitzaririk ez egotearen ondorio zuzena da:

Erreklamatzea. Hemengo zerbait betetzen ez dela uste baduzu, beheko helbidera idatz dezakezu, eta Datuen Babeserako Espainiako Agentziara ere erreklama dezakezu (www.aepd.es), hori baita dagokion kontrol-agintaritza.

Transferentziei buruz, erregelamenduak esatea eskatzen duena. NEXOk ez dizkio zure datuak inori lagatzen: ez dago NEXOren zerbitzaririk eta ez dago datuak bidaltzeko lekurik. Mugikorretik ateratzen dena ehu.webuntis.com helbideari egindako eskaera bat da; Untis GmbH enpresarena da eta Austrian dago, hau da, Europako Esparru Ekonomikoaren barruan. Eskaera horrek idatzi duzun taldearen kodea darama, eta edozein web-eskaerak daramana —zure IP helbidea eta nabigatzailea—, eta ez darama zure izenik, NANik, notarik ez appak gordetzen duen ezer. Web hori zuk zeuk irekiz egingo zenukeen eskaera bera da.

Eta ez dago erabaki automatizaturik ez profilak egiterik. Appak unibertsitateak jada argitaratzen duena ordenatu eta batu egiten du.

Unibertsitateak zutaz dituen datuen gaineko edozein eskubide baliatu nahi baduzu, arduraduna UPV/EHU da eta ez NEXO.

Aldaketak

Politika hau aldatzen bada, goiko data ere aldatuko da, eta bertsio berria appen eguneraketaren beraren barruan bidaiatzen du, ez zerbitzari batean. Aldaketa berriro irakurtzea merezi dutenetakoa denean, appak behin erakutsiko dizu berriro.

Harremanetarako

Iker Fortes — allin.app.team@gmail.com